Times of American Malayali
Back to Home
ന്യൂ യോര്ക്ക്: നോര്ത്ത് അമേരിക്കയിലെ ദി ബെസ്റ്റ് ഓഫ് ദ ബെസ്റ്റ് ആര്ട്ടിസ്റ്റുകളെ കണ്ടെത്തുകയും അവരെ ഒരു കുടക്കീഴില് അണിനിരത്തി ഒരു ഷോ ആയി ഫൊക്കാന കണ്വെന്ഷനില് അവതരിപ്പിക്കുന്നു. ഫൊക്കാനയുടെ രണ്ടാം ദിനം ആണ് അമേരിക്ക 'ഗോട്ട് ടാലന്റഡ്' എന്ന പ്രോഗ്രാം അവതരിപ്പിക്കുന്നത്.
മികച്ച സംഗീതം, ഡാന്സ്, ഫ്യൂഷന്, കേരളത്തിന്റെ തനതായ നാടന് കലകള് തുടങ്ങിയ കലകളില് പ്രാവിണ്യം തെളിയിച്ച നോര്ത്ത് അമേരിക്കയിലെ കലാകാരന്മാര്ക്കും കലാകാരികള്ക്കും ഫൊക്കാന കണ്വെന്ഷനില് നടത്തുന്ന 'അമേരിക്ക ഗോട്ട് ടാലന്റഡ്' എന്ന പ്രോഗ്രാമിലേക്ക് സ്വാഗതം.
ഫൊക്കാന ഇന്റര്നാഷണല് കണ്വെന്ഷന് 2026 ഓഗസ്റ്റ് 6 മുതല് 9 വരെ പെന്സില്വേനിയയിലെ പോക്കനോസ് മൗണ്ടന്സിലെ കല്ഹാരി റിസോര്ട്ടില് നടക്കും. ഓഗസ്റ്റ് 7ന് വൈകിട്ടാണ് ഈ പ്രോഗ്രാം അരങ്ങേറുന്നത്.
നോര്ത്ത് അമേരിക്കയിലെ ഏറ്റവും കഴിവുറ്റ കലാകാരന്മാരെ കണ്ടെത്തി ഒരു ചരടില് കോര്ത്തിണക്കി ഒരു ഷോ ആയി അവതരിപ്പിക്കുമ്പോള് അത് നമ്മുടെ കലാകാരന്മാര്ക്കു കൊടുക്കുന്ന ഒരു ആദരവ് കുടിയായിരിക്കും.
ഈ പ്രോഗാമിന്റെ ചെയര്മാന് ശബരി നായരും കോര്ഡിനേറ്റര് ഗണേഷ് നായരുമാണ്.
എത്രയോ വര്ഷങ്ങള് ആയി അഭ്യസിക്കുന്ന കലകള്, ഒട്ടനവധി രാപ്പകലുകള് ചെലവഴിച്ചു നടത്തിയ പരിശ്രമങ്ങളുടെയും പല വെല്ലുവിളികളെയും അതിജീവിച്ചുമാണ് ഓരോ വ്യക്തിയും അതാത് കലയില് പ്രാവിണ്യം തെളിയിക്കുന്നത്. അങ്ങനെയുള്ള കലാകാരന്മാരെയും കലാകാരികളെയും പ്രോത്സാഹിപ്പിക്കുകയും അവര്ക്ക് വേദി ഒരുക്കുക എന്നത് ഫൊക്കാനയുടെ ലക്ഷ്യം കൂടിയാണ്.
കാണികളെ ആനന്ദത്തിന്റെയും ആസ്വാദനത്തിന്റെയും കൊടുമുടികളേറ്റുവാന് എല്ലാ കലാപ്രതിഭകളെയും 'അമേരിക്ക ഗോട്ട് ടാലന്റ' എന്ന പ്രോഗ്രാമിലേക്ക് സ്വാഗതം ചെയ്യുന്നതായി പ്രസിഡന്റ് സജിമോന് ആന്റണി അറിയിച്ചു.
