Times of American Malayali
Back to Home
മലയാളി എഞ്ചിനീയേഴ്സ് അസോസിയേഷന്‍ ഓഫ് നോര്‍ത്ത് അമേരിക്ക (മീന) സൗത്ത് ബാരിംഗ്ടണ്‍ ക്ലബ് ബാങ്ക്വറ്റ് ഹാളില്‍ ഒരു പ്രൊഫഷണല്‍ നെറ്റ്വര്‍ക്കിംഗ് പരിപാടി സംഘടിപ്പിച്ചു. എഞ്ചിനീയറിംഗ് സമൂഹത്തില്‍ നിന്ന് ഏകദേശം 75 പേര്‍ പരിപാടിയില്‍ പങ്കെടുത്തു.
പ്രസിഡന്‍റ് റോബിന്‍ കെ. തോമസ് പ്രസ്ഥാനത്തിന്‍റെ പ്രവര്‍ത്തനങ്ങള്‍ വിവരിച്ചു.
മീറ്റ് ആന്‍റ് ഗ്രീറ്റ് പരിപാടിയില്‍ ഷിക്കാഗോ യൂണിവേഴ്സിറ്റിയിലെ അസിസ്റ്റന്‍റ് ഇന്‍സ്ട്രക്ഷണല്‍ പ്രൊഫസര്‍ ഡോ.സുഹൈല്‍ റഹ്മാന്‍, കമ്പ്യൂട്ടര്‍ സയന്‍സ് മേഖലയില്‍ ആദ്യകാല മലയാളി കുടിയേറ്റ എഞ്ചിനീയര്‍മാര്‍ നടത്തിയിട്ടുള്ള നിര്‍ണായക സംഭാവനകളെ വിവരിച്ചു.
മാവെന്‍ എജിഐയിലെ ഫൗണ്ടിംഗ് എഞ്ചിനീയറും എംഐടി ബിരുദധാരിയുമായ അമോല്‍ ഭാവേ, ആര്‍ട്ടിഫിഷ്യല്‍ ഇന്‍റലിജന്‍സിനെക്കുറിച്ച് അതിന്‍റെ യഥാര്‍ത്ഥ കഴിവുകള്‍, ഭാവി സാധ്യതകള്‍, വ്യാപകമായ സ്വീകാര്യതയിലെ പ്രധാന വെല്ലുവിളികള്‍ എന്നിവയെക്കുറിച്ച് വളരെ മൂല്യവത്തായ അറിവുകള്‍ പങ്കുവച്ചു.
ബെറ്റ്സി ജേക്കബിന്‍റെ ആദ്യ പുസ്തകമായ 'ഫയര്‍ അപ്പി'ന്‍റെ പ്രകാശനവും നടന്നു.
എല്ലാ മലയാളി എഞ്ചിനീയര്‍മാരെയും ജൂലൈ 5ന് നടക്കുന്ന സമ്മര്‍ പിക്നിക്കില്‍ പങ്കെടുക്കാന്‍ ക്ഷണിക്കുന്നു.
