Times of American Malayali
Back to Home
സാന്‍ ഹൊസെ: ഇമിഗ്രേഷന്‍ ആന്‍ഡ് കസ്റ്റംസ് എന്‍ഫോഴ്സ്മെന്‍റ് നിര്‍ത്തലാക്കല്‍, ഗ്രീന്‍ കാര്‍ഡ് മുന്‍ഗണനകള്‍, ശതകോടീശ്വരന്മാര്‍ക്കുള്ള നികുതി എന്നിവയെച്ചൊല്ലി കാലിഫോര്‍ണിയയിലെ 17-ാം കോണ്‍ഗ്രഷണല്‍ ഡിസ്ട്രിക്റ്റ് സ്ഥാനാര്‍ത്ഥികളായ റോ ഖന്നയും റിതേഷ് ടണ്ടനും തമ്മില്‍ രൂക്ഷമായ വാദപ്രതിവാദം.
സാന്‍ ഹൊസെയില്‍ നടന്ന ഓണ്‍ലൈന്‍ സംവാദത്തില്‍, ഐസിഇ എന്ന ഏജന്‍സി റദ്ദാക്കി അതിന് പകരം നീതിന്യായ വകുപ്പിന് കീഴില്‍ കൂടുതല്‍ മാനുഷിക മൂല്യങ്ങളുള്ള സംവിധാനം കൊണ്ടുവരണമെന്ന് നിലവിലുള്ള ഡെമോക്രാറ്റിക് കോണ്‍ഗ്രസ് അംഗം റോ ഖന്ന ആവശ്യപ്പെട്ടു. കൂടാതെ, ഇവിടെ പഠിക്കുകയും ബിസിനസ് ആരംഭിക്കുകയും ചെയ്യുന്നവര്‍ക്ക് ഗ്രീന്‍ കാര്‍ഡ് നല്‍കണമെന്നും ഖന്ന വാദിച്ചു. അതേസമയം, 1.2 ദശലക്ഷത്തിലധികം ആളുകള്‍ ഗ്രീന്‍ കാര്‍ഡിനായി കാത്തിരിക്കുകയാണെന്നും, ഓരോ രാജ്യത്തിനും ഏര്‍പ്പെടുത്തിയിട്ടുള്ള ഗ്രീന്‍ കാര്‍ഡ് പരിധി അവസാനിപ്പിക്കുകയാണ് പരിഹാരമെന്നും റിപ്പബ്ലിക്കന്‍ സ്ഥാനാര്‍ത്ഥിയായ റിതേഷ് ടണ്ടന്‍ തിരിച്ചടിച്ചു.
സാമ്പത്തിക വിഷയങ്ങളില്‍, ശതകോടീശ്വരന്മാര്‍ക്ക് 5 ശതമാനം നികുതി ഏര്‍പ്പെടുത്തണമെന്ന ഖന്നയുടെ നിര്‍ദ്ദേശത്തെ ടണ്ടന്‍ എതിര്‍ത്തു. നവംബര്‍ 3നാണ് ഇവിടെ വോട്ടെടുപ്പ് നടക്കുന്നത്.
