Back to Home
മുല്ലപ്പെരിയാര്‍ ജലബോംബ്; മണി പറഞ്ഞത് സര്‍ക്കാര്‍ കേള്‍ക്കണമെന്ന് ജോസഫ്
തൊടുപുഴ: മുല്ലപ്പെരിയാര്‍ വിഷയത്തില്‍ സര്‍ക്കാര്‍ ബോധത്തോടെ പെരുമാറണമെന്ന് പി.ജെ.ജോസഫ് എം.എല്‍.എ. ഇക്കാര്യത്തില്‍ മുഖ്യമന്ത്രി മൗനം തുടരുന്നത് സങ്കടകരമാണെന്നും ജോസഫ് പറഞ്ഞു.
മുല്ലപ്പെരിയാര്‍ ജലബോംബാണെന്ന് മുന്‍ മന്ത്രി എം.എം.മണി പറഞ്ഞത് കേള്‍ക്കാന്‍ സര്‍ക്കാര്‍ തയ്യാറാകണമെന്നും ജോസഫ് ആവശ്യപ്പെട്ടു.
മുല്ലപ്പെരിയാര്‍ ഡാം ജലബോംബ് ആണെന്നും അതിന്‍റെ മുകളില്‍ സിമന്‍റ് പൂശിയാല്‍ നില്‍ക്കുമോ, എന്തേലും സംഭവിച്ചാല്‍ തമിഴ്നാട് വെള്ളം കുടിക്കാതെയും നമ്മള്‍ വെള്ളം കുടിച്ചും ചാകുമെന്നാണ് മണി കഴിഞ്ഞ ദിവസം പറഞ്ഞത്.
ശര്‍ക്കരയും സുര്‍ക്കിയും ചുണ്ണാമ്പും ഉപയോഗിച്ച അതിന്‍റെ അകം കാലിയാണ്. വെള്ളം ഇറ്റിറ്റ് വരുന്നുണ്ട്. അതിന്‍റെ പുറത്ത് സിമന്‍റും കമ്പിയും പൂശിയെന്നൊന്നും സ്വയം പറഞ്ഞിട്ട് കാര്യമില്ല. അതിന്‍റെ മുകളില്‍ സിമന്‍റ് പൂശിയാല്‍ നില്‍ക്കുമോ അദ്ദേഹം ചോദിച്ചു.
