Times of American Malayali
Back to Home
ഹൂസ്റ്റണ്‍: എറണാകുളം മുന്‍ ജില്ലാ പഞ്ചായത്ത് പ്രസിഡന്‍റും എറണാകുളം ഡി സി സി ജനറല്‍ സെക്രട്ടറിയുമായ ഉല്ലാസ് തോമസിന് ഹൂസ്റ്റണില്‍ ഇന്ത്യന്‍ ഓവര്‍സീസ് കോണ്‍ഗ്രസിന്‍റെ നേതൃത്വത്തില്‍ ഊഷ്മളമായ സ്വീകരണം നല്‍കി.
ഇന്ത്യന്‍ ഓവര്‍സീസ് കോണ്‍ഗ്രസ് ഹൂസ്റ്റണ്‍ ചാപ്റ്റര്‍ പ്രസിഡന്‍റ് ജസ്റ്റിന്‍ ജേക്കബിന്‍റെ അധ്യക്ഷതയില്‍ ചേര്‍ന്ന യോഗത്തില്‍ ഉല്ലാസ് തോമസിനെ സ്വാഗതം ചെയ്യുകയും ആദരിക്കുകയും ചെയ്തു.
ചടങ്ങില്‍ സ്റ്റാഫോര്‍ഡ് സിറ്റി മേയര്‍ കെന്‍ മാത്യു, ഇന്ത്യന്‍ ഓവര്‍സീസ് കോണ്‍ഗ്രസ് ദേശീയ വൈസ് പ്രസിഡന്‍റ് തോമസ് ഒലിയാംകുന്നേല്‍, മുന്‍ ഫോമാ പ്രസിഡന്‍റ് ബേബി മണക്കുന്നേല്‍,വേള്‍ഡ് മലയാളി കൗണ്‍സില്‍ പ്രസിഡന്‍റ് എസ്. കെ. ചെറിയാന്‍, എറണാകുളം ജില്ലാ കൂട്ടായ്മ ഫോറം പ്രസിഡന്‍റ് മിഖായേല്‍ (മിക്കി), വൈസ് പ്രസിഡന്‍റ്മാരായ ബിജു ഇട്ടന്‍, ബിബി പാറയില്‍ തുടങ്ങിയവര്‍ പങ്കെടുത്ത് ആശംസകള്‍ അറിയിച്ചു.
സംഘടനയുടെ പ്രമുഖ നേതാക്കളായ മാത്യു കൂട്ടാളില്‍ (വാവച്ചന്‍), ബിനു വണ്ടനാല്‍, ജിജി പാലക്കുഴ, അരുണ്‍, ജോര്‍ജ് പൗലോസ്, ജോര്‍ജ് റെജി ജോര്‍ജ്, സുജോയ് പൗലോസ് തുടങ്ങിയവര്‍ സംസാരിച്ചു.
മറുപടി പ്രസംഗത്തില്‍ ഉല്ലാസ് തോമസ് തനിക്ക് ഹൂസ്റ്റണില്‍ ലഭിച്ച ഊഷ്മളമായ സ്വീകരണത്തിനും, നാട്ടിലെ സാമൂഹിക വിഷയങ്ങളെക്കുറിച്ചും, ജനങ്ങളുടെ ക്ഷേമത്തിനായി നടത്തിവരുന്ന പ്രവര്‍ത്തനങ്ങളെക്കുറിച്ചും വിശദീകരിച്ച അദ്ദേഹം പ്രവാസി സമൂഹം നല്‍കുന്ന സ്നേഹത്തിനും പിന്തുണയ്ക്കും പ്രത്യേകം നന്ദി രേഖപ്പെടുത്തി.
.
