Times of American Malayali
Back to Home
ചിക്കാഗോ: എക്യുമെനിക്കല് കൗണ്സില് ഓഫ് കേരള ചര്ച്ചസ് ഇന് ചിക്കാഗോയുടെ 42-ാമത് ക്രിസ്മസ് ആഘോഷങ്ങള്ക്കുള്ള ഒരുക്കങ്ങള് പൂര്ത്തിയായതായി ഭാരവാഹികള് അറിയിക്കുന്നു. ചിക്കാഗോയുടെ പ്രാന്തപ്രദേശങ്ങളിലെ 17 എപ്പിസ്കോപ്പല് പള്ളികള് ഉള്പ്പെടുന്നതാണ് ഈ സംഗമം.
യുവജന സ്പോര്ട്സ് വേദികള്, ആത്മീയ കണ്വെന്ഷന്, ഫാമിലി നൈറ്റ് പ്രോഗ്രാം, ചാരിറ്റി ഗിവിങ് എന്നീ തലങ്ങളില് പ്രസ്ഥാനം അതിന്റെ പ്രസക്തി അറിയിക്കുന്നു. ആചാരങ്ങളിലും വിശ്വാസങ്ങളിലും വ്യതിയാനങ്ങള് ഉണ്ടെങ്കിലും, ക്രിസ്തു ദേവന്റെ സ്നേഹം നമ്മളില് വസിപ്പാനും, മറ്റുള്ളവരില് ഈ സ്നേഹം ദര്ശിക്കുവാനും ഈ കൂട്ടായ്മകള് സഹായമാകുന്നു.
6 ശനിയാഴ്ച 5ന് ബെല്വുഡ് സീറോ മലബാര് കത്തീഡ്രല് ഹാളില് വെച്ച് ബിഷപ്പ് മാര് ജോസഫ് അങ്ങാടിയത്ത് ക്രിസ്മസ് ദൂത് നല്കുന്നു.
ക്രിസ്മസ് ഗാനങ്ങള്, ഏലിയാമ്മ പുന്നൂസിന്റെ നേതൃത്വത്തിലും ക്വയര് മാസ്റ്റര് സുനില് വര്ക്കിയുടെ പരിശീലനത്തിലും ഏകദേശം 40 ഓളം അംഗങ്ങളുള്ള ഒരു എക്യുമെനിക്കല് ക്വയര്, പരിശീലനം നടത്തിവരുന്നു.
ഏവര്ക്കും സന്തോഷത്തോടെ സ്വാഗതം അറിയിക്കട്ട. തുടര്ന്നുള്ള ക്രിസ്തുമസ് ആഘോഷങ്ങളില്, ഏകദേശം 16 പള്ളികളില് നിന്നുള്ള ആത്മീയവും നയന ദൃശ്യവുമായ ക്രിസ്മസ് സന്ദേശങ്ങള് വേദിയില് അരങ്ങേറുന്നു.
ഇതിന്റെ സുഗമമായ നടത്തിപ്പിലേക്ക് കോര് എപ്പിസ്കോപ്പ സ്ക്കറിയ തേലാപള്ളില് (പ്രോഗ്രാം ചെയര്പേഴ്സണ്), ജോണ്സണ് വള്ളിയില് (പ്രോഗ്രാം ജനറല് കണ്വീനര്), ബീന ജോര്ജ് (പ്രോഗ്രാം കോര്ഡിനേറ്റര്), ഏലിയാമ്മ പുന്നൂസ് (ക്വയര് കോര്ഡിനേറ്റര്) എന്നിവരടങ്ങുന്ന ഒരു കമ്മിറ്റി നേതൃത്വം നല്കുന്നു.
ഈ കൗണ്സിലിന്റെ നേതൃത്വ പദവിയില് റവ. ഫാ. തോമസ് മാത്യു, (പ്രസിഡന്റ്), റവ. ബിജു യോഹന്നാന് (വൈസ് പ്രസിഡന്റ്), അച്ചന്കുഞ്ഞ് മാത്യു (കൗണ്സില് സെക്രട്ടറി), ബെഞ്ചമിന് തോമസ് (ജോയിന്റ് സെക്രട്ടറി), ബിജോയ് മാത്യു (ട്രഷറര്), സിനില് ഫിലിപ്പ് (ജോയിന്റ് ട്രഷറര്) എന്നിവര് അടങ്ങുന്ന ഊര്ജ്ജസ്വലരായ ഒരു ടീം പ്രവര്ത്തിക്കുന്നു.
