Times of American Malayali
Back to Home
ന്യൂയോര്‍ക്ക്: ഫൊക്കാനയുടെ കേരള കണ്‍വെന്‍ഷന്‍ 2027 ജനുവരി 11 മുതല്‍ 13 വരെ കൊച്ചിയിലെ ഗ്രാന്‍ഡ് ഹയാത്തില്‍ നടക്കും. കണ്‍വെന്‍ഷനിലേക്കുള്ള രജിസ്ട്രേഷന്‍ ആരംഭിച്ചതായി ഫൊക്കാന പ്രസിഡന്‍റ് ഫിലിപ്പോസ് ഫിലിപ്പും ഭാരവാഹികളും അറിയിച്ചു.
അമേരിക്കയിലും കാനഡയിലുമായി നൂറിലധികം അംഗസംഘടനകളുള്ള ഫൊക്കാന, അഞ്ചുലക്ഷത്തിലധികം പ്രവാസി മലയാളികളെ പ്രതിനിധീകരിക്കുന്ന വടക്കേ അമേരിക്കയിലെ പ്രമുഖ മലയാളി സംഘടനകളുടെ കൂട്ടായ്മയാണ്. 1983ല്‍ രൂപം കൊണ്ട ഫൊക്കാന നാല് പതിറ്റാണ്ടിലേറെയായി കേരളത്തിന്‍റെ സാംസ്കാരിക പൈതൃകം പ്രോത്സാഹിപ്പിക്കുന്നതിനും പ്രവാസി മലയാളികളുടെ ക്ഷേമത്തിനും ജീവകാരുണ്യ പ്രവര്‍ത്തനങ്ങള്‍ക്കും നേതൃത്വം നല്‍കി വരുന്നു.
ഫൊക്കാന കേരള കണ്‍വെന്‍ഷനില്‍ കേരള ഗവര്‍ണര്‍, മുഖ്യമന്ത്രി, മറ്റ് മന്ത്രിമാര്‍ കേരളത്തിലെ വിവിധ മേഖലകളിലെ പ്രമുഖ വ്യക്തിത്വങ്ങളും വ്യവസായികളും സാമൂഹികസാംസ്കാരിക രംഗത്തെ പ്രമുഖരും സ്വാധീനമുള്ള പ്രവാസി മലയാളികളും പങ്കെടുക്കും. പ്രമുഖ വ്യവസായ, സാമൂഹ്യ, ജീവകാരുണ്യ, സാഹിത്യ പ്രതിഭകളെ ആദരിക്കുന്നതിനൊപ്പം വിവിധ ജീവകാരുണ്യ പദ്ധതികള്‍ക്കും കണ്‍വെന്‍ഷനില്‍ തുടക്കം കുറിക്കും. അര്‍ഹരായ വിദ്യാര്‍ത്ഥികള്‍ക്കുള്ള വിദ്യാഭ്യാസ സ്കോളര്‍ഷിപ്പ്, ദുരിതമനുഭവിക്കുന്നവര്‍ക്ക് മെഡിക്കല്‍ സഹായം, ഭവനനിര്‍മാണ പദ്ധതികള്‍ തുടങ്ങിയവ ഇതില്‍ ഉള്‍പ്പെടും.
കേരള സര്‍ക്കാരിന്‍റെ ലഹരിവിരുദ്ധ പ്രവര്‍ത്തനങ്ങള്‍ക്ക് പിന്തുണ നല്‍കുന്നതിനായിڅഓപ്പറേഷന്‍ തൂഫാന്‍ പദ്ധതിയിലും ഫൊക്കാന പങ്കാളികളാകും. വിവിധ ബിസിനസ് സ്ഥാപനങ്ങള്‍ക്ക് തങ്ങളുടെ ബ്രാന്‍ഡുകള്‍ പരിചയപ്പെടുത്തുന്നതിനും ഫൊക്കാനയുടെ പ്രവര്‍ത്തനങ്ങള്‍ക്ക് പിന്തുണ നല്‍കുന്നതിനുമുള്ള അവസരവും കണ്‍വെന്‍ഷന്‍ ഒരുക്കും.
കേരളത്തിലും വടക്കേ അമേരിക്കയിലുമുള്ള മലയാളി സമൂഹത്തിന്‍റെ സൗഹൃദവും സഹകരണവും കൂടുതല്‍ ശക്തിപ്പെടുത്തുന്നതിനുള്ള വേദിയായി കേരള കണ്‍വെന്‍ഷന്‍ 2027 മാറുമെന്ന് സംഘാടകര്‍ അറിയിച്ചു.
കേരളാ കണ്‍വെന്‍ഷന്‍ ചെയര്‍മാനായി മുന്‍ ഫൊക്കാന പ്രസിഡണ്ട് ജോര്‍ജി വര്‍ഗീസ് (ഫ്ലോറിഡ), കോര്‍ഡിനേറ്ററായി മുന്‍ ഫൊക്കാന പ്രസിഡണ്ട് പോള്‍ കറുകപ്പിള്ളില്‍, റജിസ്ട്രേഷന്‍ കമ്മിറ്റി ചെയര്‍മാനായി കോശി കുരുവിള എന്നിവരും ഫ്രാന്‍സിസ് കിഴക്കേകൂറ്റ് റിസപ്ഷന്‍ കമ്മിറ്റി ചെയര്‍മാനായും, ഷീല ജോസഫ് വൈസ് ചെയര്‍ പേഴ്സണായും പ്രവര്‍ത്തിക്കുന്നു.
ഫൊക്കാന പ്രസിഡന്‍റ് ഫിലിപ്പോസ് ഫിലിപ്പ്, ജനറല്‍ സെക്രട്ടറി സന്തോഷ് നായര്‍, ട്രഷറര്‍ ആന്‍ഡോ വര്‍ക്കി, എക്സിക്യൂട്ടീവ് വൈസ് പ്രസിഡന്‍റ് ലിന്‍ഡോ ജോളി, വൈസ് പ്രസിഡന്‍റ് ജോസി കരക്കാട്ട്, അസോസിയേറ്റ് സെക്രട്ടറി സോണി അമ്പൂക്കന്‍, അഡീഷണല്‍ അസോസിയേറ്റ് സെക്രട്ടറി ഡോ. അജു ഉമ്മന്‍, അസോസിയേറ്റ് ട്രഷറര്‍ അപ്പുക്കുട്ടന്‍ പിള്ള, അഡീഷണല്‍ അസോസിയേറ്റ് ട്രഷറര്‍ ഗ്രേസ് മറിയാ ജോസഫ്, വുമണ്‍സ് ഫോറം ചെയര്‍ ഡോ.ഷൈനി രാജു, ബോര്‍ഡ് ഓഫ് ട്രസ്റ്റീ ചെയര്‍മാന്‍ സജിമോന്‍ ആന്‍റണി എന്നിവരോടൊപ്പം ഫൊക്കാനയുടെ വിവിധ കമ്മിറ്റി അംഗങ്ങളും കണ്‍വെന്‍ഷന്‍റെ വിജയത്തിനായി എല്ലാവരുടെയും പിന്തുണയും പങ്കാളിത്തവും അഭ്യര്‍ഥിക്കുന്നു.
https://www.zeffy.com/en-US/ticketing/fokana-kerala-convention–2027?impact_chain_source=adoor2%40aol.com
