Times of American Malayali
Back to Home
ന്യൂഡല്‍ഹി: കേന്ദ്രസര്‍ക്കാരിന്‍റെ പുതിയ കാര്‍ഷിക നയത്തിനെതിരെ രാജ്യത്തെ അഞ്ഞൂറോളം കര്‍ഷകസംഘടനകള്‍ പ്രതിഷേധവുമായി ഹരിയാന അതിര്‍ത്തി കടക്കുന്നു.
ജലപീരങ്കിയും കണ്ണീര്‍വാതകവുമടക്കം വിവിധ ഇടങ്ങളില്‍ പോലീസ് തീര്‍ത്ത പ്രതിബന്ധങ്ങള്‍ മറികടന്നാണ് കര്‍ഷകപ്രതിഷേധം ഡല്‍ഹിയിലെത്തുന്നത്.
കടുത്ത ശൈത്യത്തേയും അവഗണിച്ചുകൊണ്ട് ട്രാക്ടറുകളില്‍ അരിയും മറ്റു അവശ്യസാധനങ്ങളുമായിട്ടാണ് ആയിരക്കണക്കിന് കര്‍ഷകര്‍ ഡല്‍ഹിയെ ലക്ഷ്യമാക്കി നീങ്ങുന്നത്.
ഹരിയാന- ഡല്‍ഹി അതിര്‍ത്തിയില്‍ പ്രതിഷേധിച്ച കര്‍ഷകരെ പിരിച്ചുവിടാന്‍ പോലീസ് കണ്ണീര്‍ വാതക ഷെല്ലുകള്‍ പ്രയോഗിച്ചതായി അവിടെ നിന്നുള്ള റിപ്പോര്‍ട്ടുകള്‍ പറയുന്നു. സിമന്‍റ് ബാരിക്കേഡുകള്‍ക്കു പുറമെ മുള്‍കമ്പികളും ഉപയോഗിച്ചാണ് റോഡ് അടച്ചിരിക്കുന്നത്. കൂടാതെ മണല്‍ കയറ്റിയ ട്രക്കുകളും ഇവിടെ തടസ്സം സൃഷ്ടിച്ചിട്ടുണ്ട്. ഇതൊന്നും തങ്ങളുടെ ആത്മവിശ്വാസത്തെ തകര്‍ക്കില്ലെന്നും അരലക്ഷത്തിലധികം കര്‍ഷകര്‍ ഡല്‍ഹി അതിര്‍ത്തി കടക്കുമെന്നും കര്‍ഷകസംഘടകള്‍ അവകാശപ്പെട്ടു.
