Times of American Malayali
Back to Home
ന്യൂഡല്ഹി: എച്ച്1 ബി വിസയില് സുപ്രധാന മാറ്റം പ്രഖ്യാപിച്ചിരിക്കുകയാണ്. യു.എസ്. ലോട്ടറി സംവിധാനത്തിനു പകരം ഇനി മുതല് തൊഴില് വൈദഗ്ദ്യവും തൊഴിലാളികളുടെ കഴിവും അടിസ്ഥാനമാക്കി ആയിരിക്കും വിസ അനുവദിക്കുക. ഉയര്ന്ന വൈദഗ്ദ്യവും വരുമാനവുമുള്ള വിദേശികളെ ലക്ഷ്യമിട്ടാണ് യു.എസ് ഭരണകൂടത്തിന്റെ നടപടിയെന്ന് ഹോം ലാന്റ് സെക്യൂരിറ്റി ഡിപ്പാര്ട്മെന്റ് അറിയിച്ചു.
എച്ച് വണ് ബി വിസ സംവിധാനത്തില് ക്രമക്കേടുകള് വ്യാപകമായകതിനെതുടര്ന്നാണ് നിര്ത്തലാക്കാനുള്ള തീരുമാനത്തിലെത്തിയതെന്ന് അധികൃതര് പറയുന്നു. ചില തൊഴില് ദാതാക്കള് അമേരിക്കന് പൗരന്മാര്ക്ക് തൊഴിലവസരം നല്കാതെ എച്ച്.വണ്.ബി വിസയിലെത്തുന്നവരെ കുറഞ്ഞ വേതനം നല്കി പണിയെടുപ്പിക്കുന്ന അവസ്ഥ ഉണ്ടായെന്ന് സിറ്റിസണ്ഷിപ്പ് ആന്റ് ഇമിഗ്രേഷന് സര്വീസ് വക്താവ് ആരോപിച്ചു. പുതിയ വിസ സംവിധാനം ഇതില് മാറ്റമുണ്ടാക്കുമെന്നും പറഞ്ഞു.
