Times of American Malayali
Back to Home
ഹാരിസ്ബര്‍ഗ്: ശശി തരൂരുമായി നടന്ന ഗുരുതുല്യ കൂടിക്കാഴ്ചയുമായി എയ്മിലി തോമസ്.
കേരളത്തില്‍ മുത്തച്ഛനെയും മുത്തശ്ശിയെയും കാണാനെത്തിയ എയ്മിലിന്, ശശി തരൂരുമായി കൂടിക്കാഴ്ചയ്ക്ക് അവസരം ലഭിച്ചു. അദ്ദേഹം കോഴിക്കോട് സന്ദര്‍ശിച്ചപ്പോഴാണ് എയ്മിലിക്ക് അതിനവസരം ഉണ്ടായത്.
യുഎന്നില്‍ ബാലാവകാശ പ്രസംഗം നടത്തിയ അമേരിക്കന്‍ മലയാളി വിദ്യാര്‍ത്ഥിനി എന്ന നിലയില്‍ ശശി തരൂര്‍ എയ്മിലിയെ അഭിനന്ദിച്ചുകൊണ്ട് ട്വീറ്റ് ചെയ്തിരുന്നു. അഭിനന്ദിച്ചതുകൊണ്ടുമാത്രമല്ല, അദ്ദേഹത്തിന്‍റെ പ്രസംഗം കേള്‍ക്കുകയും യുഎന്‍ അണ്ടര്‍ സെക്രട്ടറിയായിരിക്കെ നിര്‍വഹിച്ച സ്തുത്യര്‍ഹമായ സേവനങ്ങള്‍ വായിച്ചറിയുകയും ചെയ്തുണ്ടായ ആരാധനയാണ് അദ്ദേഹവുമായി സംസാരിക്കുവാനുളള ആഗ്രഹത്തിനു പ്രേരണയെന്ന് എയ്മിലി പറഞ്ഞു.
യുഎന്നില്‍ പ്രസംഗിക്കാന്‍ സന്ദര്‍ഭമൊരുക്കിയ ബന്ധപ്പെട്ട കാര്യങ്ങളെക്കുറിച്ചും അമേരിക്കന്‍ വൈസ് പ്രസിഡന്‍റ് കമലാ ഹാരിസുമായും പെന്‍സില്‍വേനിയ ഗവര്‍ണര്‍ ടോം വൂള്‍ഫുമായും മറ്റും നടത്തിയ കൂടിക്കാഴ്ചയെക്കുറിച്ച് ശശി തരൂര്‍ ആരാഞ്ഞു.
തുടര്‍ പഠനത്തെക്കുറിച്ചും ലക്ഷ്യങ്ങളെക്കുറിച്ചും അറിഞ്ഞ ശശി തരൂര്‍ അതിനായുള്ള പ്രയത്നം തുടരുവാന്‍ നിര്‍ദ്ദേശിച്ചു.
എയ്മിലിയുടെ പിതാവ് ജോസ് തോമസും കൂടിക്കാഴ്ചയുടെ ഭാഗമായി. പെന്‍സില്‍വേനിയയില്‍ ഹൈസ്കൂള്‍ ഗണിത ശാസ്ത്ര അധ്യാപകനാണ് ജോസ് തോമസ്.
