Times of American Malayali
Back to Home
ന്യൂയോര്ക് : അമേരിക്കയില് ഇമിഗ്രേഷന് ആന്ഡ് കസ്റ്റംസ് എന്ഫോഴ്സ്മെന്റ് ഉദ്യോഗസ്ഥരുടെ വെടിയേറ്റ് പ്രതിഷേധക്കാര് കൊല്ലപ്പെട്ട സംഭവത്തില് മുന് പ്രസിഡന്റ് ജോര്ജ്ജ് ഡബ്ല്യു ബുഷ് നിലപാട് വ്യക്തമാക്കണമെന്ന് പ്രതിഷേധം ശക്തമാകുന്നു. നിലവില് ജീവിച്ചിരിക്കുന്ന മുന് പ്രസിഡന്റുമാരില് ബുഷ് മാത്രമാണ് ഈ വിഷയത്തില് ഇതുവരെ പ്രതികരിക്കാത്തത്.
മിനിയാപൊളിസില് ജനുവരി 7ന് റെനീ ഗുഡും ജനുവരി 24ന് നഴ്സായ അലക്സ് പ്രെറ്റിയും ഉദ്യോഗസ്ഥരുടെ വെടിയേറ്റ് കൊല്ലപ്പെട്ടിരുന്നു.
ബരാക് ഒബാമ, ബില് ക്ലിന്റണ്, ജോ ബൈഡന് എന്നിവര് ഐസിഇയുടെ നടപടികളെ ശക്തമായി അപലപിച്ചു. ഇത് ജനാധിപത്യത്തിന് മേലുള്ള കടന്നുകയറ്റമാണെന്ന് ഒബാമ വിശേഷിപ്പിച്ചു.
2002ല് ഐസിഇ ഉള്പ്പെടുന്ന ഹോംലാന്ഡ് സെക്യൂരിറ്റി വകുപ്പ് രൂപീകരിച്ചത് ബുഷ് ആയിരുന്നു. അതുകൊണ്ടുതന്നെ നിലവിലെ അക്രമങ്ങളില് അദ്ദേഹത്തിന്റെ പ്രതികരണം നിര്ണ്ണായകമാണെന്ന് സോഷ്യല് മീഡിയയില് വിമര്ശനം ഉയരുന്നുണ്ട്.
വെടിയേറ്റ അലക്സ് പ്രെറ്റി ഉദ്യോഗസ്ഥര്ക്ക് ഭീഷണിയായിരുന്നില്ലെന്ന് ബന്ധുക്കള് ആരോപിക്കുമ്പോള്, ഒബാമയുടെ പ്രസ്താവന വിഭജനമുണ്ടാക്കാനാണെന്ന് വൈറ്റ് ഹൗസ് വക്താവ് കുറ്റപ്പെടുത്തി.
