Back to Home
യുഎസില്‍ 500 ഡോളര്‍ റീഫണ്ട് ചെക്കുകള്‍; 5,000 ഡോളര്‍ വാഗ്ദാനവുമായി ട്രംപ്
- സണ്ണി മാളിയേക്കല്‍
വാഷിങ്ടന്‍: യുഎസില്‍ ഒബാമകെയര്‍ എന്നറിയപ്പെടുന്ന അഫോര്‍ഡബിള്‍ കെയര്‍ ആക്ട് പദ്ധതിയില്‍ അംഗങ്ങളായ യോഗ്യരായവര്‍ക്ക് 500 ഡോളര്‍ വീതമുള്ള റീഫണ്ട് ചെക്കുകള്‍ ട്രംപ് ഭരണകൂടം അയച്ചുതുടങ്ങി. ഒലമഹവേഇമൃല.ഴീ് ഫെഡറല്‍ മാര്‍ക്കറ്റ്പ്ലേസ് ഉപയോഗിക്കുന്ന ടെക്സസ് ഉള്‍പ്പെടെയുള്ള 30 സംസ്ഥാനങ്ങളിലെ ഏകദേശം 9.5 ലക്ഷം പേര്‍ക്കാണ് തുക ലഭിക്കുക.
സബ്സിഡി ലഭിക്കാതെ ആരോഗ്യ ഇന്‍ഷുറന്‍സ് പ്രീമിയം പൂര്‍ണമായി അടച്ചവരാണ് പ്രധാനമായും റീഫണ്ടിന് അര്‍ഹര്‍. ഫെഡറല്‍ ദാരിദ്ര്യനിരക്കിന്‍റെ 400 ശതമാനത്തിലധികം വരുമാനമുള്ളവരാണ് ഗുണഭോക്താക്കളില്‍ ഭൂരിഭാഗവും. ചില സാഹചര്യങ്ങളില്‍ സബ്സിഡി ലഭിക്കാതിരുന്ന കുറഞ്ഞ വരുമാനക്കാര്‍ക്കും ചെക്ക് ലഭിച്ചേക്കാം.
ടെക്സസിലും ഫ്ലോറിഡയിലുമാണ് ഏറ്റവും കൂടുതല്‍ ഗുണഭോക്താക്കള്‍. സംസ്ഥാനതലത്തില്‍ സ്വന്തമായി ഇന്‍ഷുറന്‍സ് എക്സ്ചേഞ്ച് പ്രവര്‍ത്തിപ്പിക്കുന്ന കാലിഫോര്‍ണിയ, ന്യൂയോര്‍ക്ക് ഉള്‍പ്പെടെയുള്ള സംസ്ഥാനങ്ങളിലെ താമസക്കാര്‍ക്ക് ഈ റീഫണ്ട് ലഭിക്കില്ല. ഒരേ കുടുംബത്തിലെ ഒന്നിലധികം അംഗങ്ങള്‍ യോഗ്യത നേടിയിട്ടുണ്ടെങ്കില്‍ ഓരോ വ്യക്തിക്കും 500 ഡോളര്‍ വീതം ലഭിക്കും.
അതേസമയം, എല്ലാ പ്രായപൂര്‍ത്തിയായ അമേരിക്കന്‍ പൗരന്മാര്‍ക്കും 5,000 ഡോളര്‍ നല്‍കുമെന്നത് ഇപ്പോള്‍ നടപ്പാക്കിയ പദ്ധതിയല്ല. ഇടക്കാല തിരഞ്ഞെടുപ്പില്‍ റിപ്പബ്ലിക്കന്‍ പാര്‍ട്ടി ജനപ്രതിനിധിസഭയിലും സെനറ്റിലും ഭൂരിപക്ഷം നിലനിര്‍ത്തിയാല്‍ തുക നല്‍കുമെന്നാണ് പ്രസിഡന്‍റ് ഡൊണാള്‍ഡ് ട്രംപിന്‍റെ വാഗ്ദാനം. പദ്ധതി നടപ്പാക്കുന്നതിന് കോണ്‍ഗ്രസിന്‍റെ അംഗീകാരവും വ്യക്തമായ ധനസ്രോതസ്സും ആവശ്യമാണ്.
